Kamera aurreko interpretazioa

Kameraren aurrean hura han egongo ez balitz bezala interpretatzera ohitu… Eta, aldi berean, kamera hortxe dagoen kontzientzia tekniko guztia izanda: Zer plano hartzen ari zait? Zer jarraibide eman dizkit zuzendariak nire interpretazioa ongi eta adostutako enkoadraketaren barruan egon dadin? Nola dago jarrita argia, eta nola atera diezaioket etekin hobea, nire buruari eta lankideei itzalik egin gabe? Nola lortu nire zuzeneko soinurik onena soinu-operadorearekin batera, beharrezkoak ez diren karrankak, entzunezinak diren hartuneak, kolpeak edo interferentziak saihestuz nire gorbata mikroan? Nola errepikatu ekintzak, mugimenduak eta tonuak, berriz ere hartualdi bat errodatu behar bada, muntaian «raccord» arazorik ez izateko?

Eta, azkenik, baina ez garrantzi txikiagokoa, kamerak eskatzen duen interpretazio-erregistro espezifikoa ikastea: gorputzaren energiari eustea eta begirada batean edo eskuaren keinu txiki batean kontzentratzen jakitea -antzoki bateko eszenatokian, ikusleen eta aktoreen arteko distantziagatik, nabarituko ez liratekeen kontuak-.

Ikastaroaren lehen zatian oinarrizko ariketa batzuk eginen dira, ekintza ezagutzeko eta testura nola heldu jakiteko.
Castingean sarrera lan bat aurreratuko dugu.
Ikastaroko hirugarren moduluan eszenak garatu eta sekuentzien arabera grabatuko ditugu, praktika egiteko eta bideobook gisa balioko dizun materiala sortzeko.Azken zatian, film labur bat egingo dugu, bertan eragina duen guztia ikusteko, grabaziora iritsi arte: gidoia, kokalekua, jantziak, etab.

Ikastaroan zehar eszenen bistaratzeak ere egingo dira, interpretazioak baloratzen ikasteko.

Esperientzia izan edo ez, kameraren aurrean garatu nahi duten pertsonentzat.